بىلىم بىلوگى سىزنى قارشى ئالىدۇ

       توڭگۇز بېشى قەدىمى شەھىرى : تاڭ سۇلالىسى دەۋرىدىكى ئەنشى قۇرۇقچى بەگ مەھكىمىسىگە قاراشلىق كۈسەنگە تەۋە ھەربىي كۈرە. ئۇ توقسۇ ناھىيىسىنىڭ 44 كىلومېتر غەربىي جەنۇبىغا جايلاشقان بولۇپ ، ئورنى ئۆگەن دەرياسىنىڭ غەربىي قىرغىقىدىكى قەدىمىي سۇغۇرىلىدىغان تۈزلەڭلىك رايونىدا ،بۇ جاي ھازىر شورتاڭلىققا ئايلىنىپ كەتكەن . شەھەر خارابىسىنىڭ تەكشى يۈزى چاسا شەكىلدە بولۇپ ، ئايلانما ئۇزۇنلۇقى 960 مېتر ، سېپىلنىڭ قالدۇق ئېگىزلىكى تۆت – سەككىز مېتر كېلىدۇ . شەھەر سېپىلىنىڭ تۆت بۈرجىكىدە 13يۆلەك تام بار . جەنۇبىي ۋە شىمالىي سېپىلنىڭ ئوتتۇرسىدىن قوۋۇق ئېچىلغان بولۇپ ،  قوۋۇق قەلئەسى بار ، شەھەر ئىچىدىكى قۇرۇلۇش ئىزلىرى يىمىرىلىپ توپا دۆڭگە ئايلىنىپ قالغاچقا ، شەكلى ئېنىق ئەمەس . شەھەر خارابىسىدىن سىدام خىش ، سىدام كاھىش ، ساپال تۇرمۇش بويۇملىرى ، تاش يارغۇنچاق ، تۆمۈر ئورغاق ، زىغىر ئۇرۇقى ،قۇيماق ۋە كەييۈەن تۇڭباۋ يارمىقى ، دالى يۇنباۋ يارمىقى ،جيەنجۇڭ تۇڭباۋ يارمىقى قاتارلىق تاڭ سۇلاسى دەۋرىدىكى پۇللار ۋە ‹‹دالى 15– يىلى لى مىڭدانىڭ ئاشلىق ئۆتنە ئېلىش ھۆججىتى ››،‹‹دالى 14 – يىلى پاكسۇ پارنىڭ ئېشىنچا تېرىق ئېلىش ئىلتىماسى ››قاتارلىق مەدەنىيەت يادىكارلىقلىرى قېزىۋېلىندى .